தமிழகத்தில் நடந்து முடிந்த சட்டமன்ற தேர்தலில் வாக்கு எண்ணிக்கை கடந்த மே இரண்டாம் தேதி நடைபெற்றது. அதில் பெரும்பான்மையான தொகுதிகளில் திமுக வெற்றி பெற்றது. இதனையடுத்து மே 7-ஆம் தேதி திமுக தலைவர் ஸ்டாலின் முதல்வராக பொறுப்பு ஏற்கிறார். கொரோனா காரணமாக ஆளுநர் மாளிகையில் மிக எளிமையாக பதவியேற்பு விழா நடைபெற உள்ளது.
இதனையடுத்து சென்னை ராயப்பேட்டை தலைமை அலுவலகத்தில் மே 7-ஆம் தேதி அதிமுக எம்எல்ஏக்கள் கூட்டம் நடைபெற உள்ளதாக தலைமை கழகம் அறிவித்துள்ளது. அதன்படி ஓபிஎஸ் மற்றும் ஈபிஎஸ் தலைமையில் 7 ஆம் தேதி மாலை 4.30 மணிக்கு அதிமுக எம்எல்ஏக்கள் கூட்டம் நடைபெற உள்ளது. இந்த கூட்டத்தில் தேர்தல் முடிவு மற்றும் எதிர்க்கட்சி தலைவரை தேர்வு செய்வது பற்றி ஆலோசிக்க வாய்ப்புள்ளதாக கூறப்படுகிறது