நாமக்கல் மாவட்டத்தில் நேற்று ஒரே நாளில் 429 பேர் கொரோனவிலிருந்து பூரண குணமடைந்து வீடு திரும்பியுள்ளனர்.
நாமக்கல் மாவட்டம் முழுவதிலும் நேற்று ஒரே நாளில் 717 பேருக்கு கொரோனா தொற்று இருப்பது உறுதியாகியுள்ளது. இந்நிலையில் மாவட்டம் முழுவதிலும் இதுவரை மொத்தமாக தொற்று பாதிக்கப்பட்டவர்களின் எண்ணிக்கை 27,092 என சுகாதாரத்துறை சார்பில் தெரிவிக்கப்பட்டுள்ளது. இதனை அடுத்து இதுவரை 22,311 பேர் கொரோனாவிலிருந்து குணமாகி உள்ள நிலையில், நேற்று ஒரே நாளில் 429 பேர் பூரண குணமடைந்து வீடு திரும்பியுள்ளனர்.
இதனைத்தொடர்ந்து கடந்த 24 மணி நேரத்தில் 4 பேர் சிகிச்சை பலனின்றி உயிரிழந்துள்ளனர். இதனால் பலியானோர் எண்ணிக்கை 195 ஆக உயர்ந்துள்ளது. மேலும் கொரோனாவை கட்டுப்படுத்துவதற்கு பொதுமக்கள் முடிந்தவரை முகக்கவசம் அணிந்து அத்தியாவசிய வேலைகளுக்கு மட்டும் வெளியே சென்று பாதுகாப்பாக இருக்க வேண்டும் என்றும், தடுப்பு ஊசி போட்டுக்கொள்ள வேண்டும் என்றும் சுகாதாரத்துறை சார்பில் தெரிவிக்கப்பட்டுள்ளது.