சுவிட்சர்லாந்தில் ஒரு வாரத்திற்கு முன் மாயமான முதியவரின் சடலம் நேற்று கண்டறியப்பட்டுள்ளது.
சுவிட்சர்லாந்தில் உள்ள Schwyz என்ற நகரில் கடந்த 23ஆம் தேதியன்று 73 வயது முதியவர் ஒருவர் மாயமாகியிருக்கிறார். தீவிரமாக விசாரணைகள் மேற்கொள்ளப்பட்டும், மாயமான முதியவர் இருந்த இடத்தை Schwyz மாகாண அதிகாரிகளால் உறுதியாக கூறமுடியவில்லை. இந்நிலையில் நேற்று பிற்பகல் அந்த முதியவர் உயிரிழந்தது தெரிய வந்திருக்கிறது.
Schwyz காவல்துறையினர் ஹெலிகாப்டரில் தேடிவந்த நிலையில், Rigi-யில் இருக்கும் Ober Stockbann என்னும் பகுதியில் முதியவரின் உடல் கண்டறியப்பட்டது. விசாரணையில் இச்சம்பவத்தில் வேறு எந்த நபருக்கும் தொடர்பு இல்லை என்று தெரிவிக்கப்பட்டுள்ளது.
ஏர் ஆம்புலன்ஸ், Alpine Rescue Switzerland (ARS), சூரிச் மற்றும் சுவிஸ்-ல் இருக்கும் கன்டோனல் காவல்துறையினர் மற்றும் ஃபெடரல் காவல்துறையினர் என்று சுமார் 20 அவசர சேவைகள் முதியவரை தேடும் பணியை மேற்கொண்டுள்ளனர்.