நாட்டின் 74வது சுதந்திர தின விழா இன்று கொண்டாடப்பட்டு வரும் நிலையில் தலைநகர் டெல்லியில் பாதுகாப்பு நடவடிக்கைகள் தீவிரப்படுத்தப்பட்டுள்ளன.
நாட்டின் 74வது சுதந்திர தின விழாவையொட்டி டெல்லி செங்கோட்டையில் பிரதமர் திரு. நரேந்திர மோடி தேசிய கொடியை ஏற்றி வைத்து முப்படைகளின் அணிவகுப்பு மரியாதையை ஏற்க வருகிறார். சுதந்திர தின விழா கொண்டாட்டத்தின்போது அசம்பாவிதம் எதுவும் நிகழாமல் தடுக்கும் பொருட்டு நாடு முழுவதும் விமான நிலையங்கள் உள்ளிட்ட பொது இடங்களிலும், முக்கிய சுற்றுலாத் தலங்களிலும், பலத்த பாதுகாப்பு ஏற்பாடுகள் செய்யப்பட்டு வருகின்றன. தலைநகரில் டெல்லி நொய்டா மேம்பாலத்தில் போலீசார் தீவிர வாகன தணிக்கையில் ஈடுபட்டுள்ளனர். ப்ரோன்கள் மூலம் கண்காணிப்பு நடவடிக்கைகள் முழுவீச்சில் மேற்கொள்ளப்பட்டு உள்ளன.