நாடு முழுவதும் வருகின்ற ஆகஸ்ட் 15ஆம் தேதி 75 ஆவது சுதந்திர தின திருவிழா கொண்டாடப்பட உள்ளது.நாட்டின் இந்த நிலையில் நாட்டின் குடிமக்கள் அனைவரும் 13 ஆம் தேதி முதல் 15 ஆம் தேதி வரை தங்கள் வீடுகளில் தேசிய கொடியை பறக்க விட வேண்டும் என்று பிரதமர் மோடி கேட்டு கொண்டுள்ளார். பிரதமரின் வேண்டுகோளை ஏற்று நாட்டில் பல்வேறு பாகங்களிலும் வீடுகள், வணிக வளாகங்கள், பள்ளிகள், கல்லூரிகள்,கோவில்கள் ஆகிய அனைத்திலும் இன்று காலை தேசிய கொடி ஏற்றப்பட்டது.
இந்நிலையில் 75 ஆவது சுதந்திர தினத்தை முன்னிட்டு தமிழகத்தில் உள்ள நினைவுச் சின்னங்கள் மூவர்ண விளக்குகளால் அலங்கரிக்கப்பட்டுள்ளன. அதன்படி சென்னை புனித ஜார்ஜ் கோட்டை, வேலூர் கோட்டை, திண்டுக்கல்லில் உள்ள திப்பு சுல்தான் மணிமண்டபம், சிவகங்கையில் உள்ள மருதுபாண்டியர் நினைவு மண்டபம்,வேலு நாச்சியார் நினைவு மண்டபம் மற்றும் ஈரோட்டில் உள்ள மாவீரன் தீரன் சின்னமலை மணிமண்டபம் ஆகியவை மூவரணங்களில் ஜொலிக்கின்றன.