பிரபல பாடகி சின்மயிக்கு இரட்டைக் குழந்தைகள் பிறந்துள்ளது. இவருக்கு திரை பிரபலங்கள் பலரும் தங்களது வாழ்த்துக்களை தெரிவித்து வருகின்றனர்.
தமிழ் சினிமாவில் பிரபல பாடகியாகவும், டப்பிங் கலைஞராகவும் வலம் வந்தவர் சின்மயி. ஏ. ஆர் ரகுமான் இசையில் பல பாடல்களை பாடியுள்ளார். பின்னணி பாடகியாக மட்டுமல்லாமல் நயன்தாரா, சமந்தா, தமன்னா என முன்னணி நடிகைகளுக்கும் இவர் டப்பிங் கொடுத்திருக்கிறார். பல ஆண்டுகளாக குழந்தை பெறாமல் இருந்த நிலையில் தற்போது தான் தாயாகி விட்டேன் என்ற சந்தோச செய்தியை அவர் கூறியுள்ளார்.
இவர் நடிகரும், இயக்குநருமான ராகுல் ரவீந்திரனுக்கும் கடந்த 2014ம் ஆண்டு திருமணம் நடந்தது. இந்நிலையில் கர்ப்பமான சின்மயி இரட்டை குழந்தைகளை பெற்றெடுத்துள்ளார். ஒரு ஆண், ஒரு பெண் குழந்தைக்கு தாயாகியிருக்கிறார். அந்த குழந்தைகளுக்கு த்ரிப்தா, ஷர்வாஸ் என்று பெயர் வைத்திருக்கிறார்கள். தன் குழந்தைகளின் கைகளை மட்டும் புகைப்படம் எடுத்து சமூக வலைதளங்களில் வெளியிட்டுள்ளார் சின்மயி.