சென்னையில் கொரோனாவால் பாதிக்கப்பட்டவருக்கு கேக் வெட்டி கொண்டாடிய மருத்துவருக்கு பாராட்டுகள் குவிந்த வண்ணம் உள்ளன.
கொரோனா பாதிப்பைக் கட்டுப்படுத்த மத்திய மாநில அரசுகளும், சுகாதாரத்துறை அதிகாரிகளும் ஒருபுறம் போராடி வருகின்றனர். மற்றொருபுறம் இந்த நோயால் பாதிக்கப்பட்டவர்களை நோயிலிருந்து மட்டுமல்லாமல், அதனால் ஏற்படக்கூடிய மன உளைச்சலில் இருந்து நோயாளிகளை மீட்டுக் கொண்டு வருவதற்கான பணிகளை மருத்துவத்துறை மேற்கொண்டு வருகிறது.
இந்நிலையில் சென்னை கிங்ஸ் மருத்துவமனையில் கொரோனாவால் பாதிக்கப்பட்ட 80 வயது முதியவருக்கு, மருத்துவர் ஒருவர் கேக் வெட்டி பிறந்தநாள் கொண்டாடிய சம்பவம் நெகிழ்ச்சியை ஏற்படுத்தியுள்ளது. ஏற்கனவே மன சோர்வை நீக்க யோகா பயிற்சிகள், ஆலோசனைகள் வழங்கப்பட்டு வரும் நிலையில், இதுபோன்ற கொண்டாட்டங்கள் தொற்று பாதிப்பு உள்ளவர்களுக்கு ஆரோக்கியமான மனநிலையை அளிப்பதாக மருத்துவர்கள் தெரிவித்துள்ளனர். இச்சம்பவம் சமூக வலைதளங்களில் பெரும் பாராட்டைப் பெற்றுள்ளது.