தூத்துக்குடியில் கப்பல் சங்கம் சார்பாக பள்ளி மாணவிகளுக்கு 2 லட்சம் மதிப்பில் நலத்திட்ட உதவிகள் வழங்கப்பட்டது.
தூத்துக்குடி மாவட்டத்திலுள்ள கப்பல் முகவர்கள் சங்கம் சார்பாக பள்ளி மாணவ-மாணவிகளுக்கு நலத்திட்ட உதவிகள் வழங்கும் விழா நடைபெற்றது. இவ்விழாவிற்கு சங்கத் தலைவர் ஆனந்த் மொராயிஸ் தலைமை தாங்க வரவேற்பு உரையாற்றினார்.
இதில் சிறப்பு விருந்தினராக தூத்துக்குடி மாவட்ட இந்திய தொழில் கூட்டமைப்பு தலைவர் எட்வின் சாமுவேல் பங்கேற்று தூத்துக்குடி மாவட்டத்தில் இருக்கும் கல்வித்துறை மற்றும் விளையாட்டு பிரிவு மாணவர்களில் தகுதியான மாணவ-மாணவிகளுக்கு 2 லட்சம் மதிப்பிலான கல்வித்தொகை மற்றும் விளையாட்டு உபகரணங்களை வழங்கினார். இந்த நிகழ்ச்சியில் சங்கத் துணைத் தலைவர், உதவி செயலாளர், பொருளாளர், செயற்குழு உறுப்பினர்கள், பள்ளி தலைமை ஆசிரியர்கள் என பலர் கலந்து கொண்டார்கள்.