“மீண்டும் ரீ-சூட் செய்யப்படும் கோல்டு படம்”… இதுதான் காரணமாம்…!!!!

கோல்டு திரைப்படம் மீண்டும் ரீ- ஷுட் செய்யப்படுகின்றது.

தமிழ் மற்றும் மலையாள திரை உலகில் ‘நேரம்’ படத்தின் மூலம் இயக்குனராக அறிமுகமானவர் அல்போன்ஸ் புத்திரன். இவர் இயக்கத்தில் தொடர்ந்து கடந்த 2015 ஆம் வருடம் மலையாளத்தில் மட்டும் வெளியான பிரேமம் படம் தமிழ் ரசிகர்கள் மத்தியில் நல்ல வரவேற்பை பெற்றது. இந்த படத்தின் மூலம் அல்போன்ஸ் புத்திரனுக்கு மலையாள திரை உலகிலும், தமிழ் திரை உலகிலும் பெரிய பெயரைப் பெற்றுக் கொடுத்தது. இந்த படத்தின் வெற்றியை தொடர்ந்து கிட்டத்தட்ட 7 வருடங்களுக்குப் பிறகு இவர் இயக்கும் படம் “கோல்டு” படத்தில் பிரித்திவிராஜ் கதாநாயகனாக நடிக்க அவருக்கு ஜோடியாக நயன்தாரா நடித்திருக்கிறார்.

ஓணம் பண்டிகைக்கு திரைப்படம் வெளியாகும் என அறிவிக்கப்பட்ட நிலையில் சில வாரங்களுக்கு முன்பாக படம் வெளியாக தாமதமாகும் என இயக்குனர் தெரிவித்திருந்தார். இந்த நிலையில் இப்படத்தில் எடுக்கப்பட்ட சில முக்கிய காட்சிகளை எடிட்டிங்கில் பார்த்தபோது இயக்குனருக்கு திருப்தி அளிக்காததால் மீண்டும் அக்காட்சிகளை எடுக்க திட்டமிட்டு இருக்கின்றாராம். இந்த காட்சிகளில் பிரித்விராஜ் உடன் நயன்தாராவும் நடிக்க வேண்டியுள்ளதால் தேதிகளை முடிவு செய்ய காலதாமதம் ஏற்பட்டுள்ளது. இதனால் அக்காட்சியை மீண்டும் படமாக்கிய பின்பே ரிலீஸ் தேதி குறித்த அதிகாரப்பூர்வ அறிவிப்பு வெளியாகும் என கூறப்படுகின்றது.