நித்தம் ஒரு வானம் திரைப்படத்தின் புதிய பாடல் வெளியாகியுள்ளது.
அறிமுக இயக்குனர் கார்த்திக் இயக்கத்தில் அசோக்செல்வன் ஹீரோவாக நடிக்கும் திரைப்படம் “நித்தம் ஒரு வானம்”. வியாகாம் ஸ்டூடியோஸ் தயாரித்து இருக்கும் இத்திரைப்படத்திற்கு பிரபல மலையாள இசையமைப்பாளர் கோபிசுந்தர் இசையமைத்துள்ளார். இந்த படத்திற்கு வித்து அய்யனா ஒளிப்பதிவு செய்துள்ளார். ரிது வர்மா, அபர்ணா பாலமுரளி மற்றும் ஷிவாத்மிகா ராஜசேகர் உள்ளிட்டோர் கதாநாயகியாக நடித்துள்ளனர்.
இப்படம் தமிழ், மலையாளம் என 2 மொழிகளில் வெளியாக உள்ளது. இத்திரைப்படத்தின் டிரைலர் மற்றும் பாடல் அண்மையில் வெளியாகி வைரலானது. இத்திரைப்படத்தை நவம்பர் மாதம் வெளியிட படக்குழு திட்டமிட்டது. அதன்படி இத்திரைப்படம் வரும் நவம்பர் 4ஆம் தேதி வெளியாகும் என அறிவிக்கப்பட்டது. இந்த நிலையில் இப்படத்தின் புதிய பாடலின் லிரிக்கல் வீடியோ வெளியாகி இருக்கின்றது. இதனை ஹிப்ஹாப் ஆதி தனது இணையதள பக்கத்தில் வெளியிட்டு இருக்கின்றார். மெலடி பாடலான இந்த பாடல் அனைவரின் கவனத்தையும் ஈர்த்து வருகின்றது.