மம்முட்டியுடன் நடிக்கும் திரைப்படத்தின் படப்பிடிப்பில் ஜோதிகா இணைந்துள்ளார்.
தமிழ் சினிமா உலகில் முன்னணி நடிகையாக வலம் வந்த ஜோதிகா முன்னணி நடிகரான சூர்யாவை சென்ற 2006 ஆம் வருடம் திருமணம் செய்து கொண்டார். திருமணத்திற்கு பிறகு திரைப்படங்களில் நடிக்காமல் இருந்து வந்த ஜோதிகா சென்ற 2015 ஆம் வருடம் 36 வயதினிலே திரைப்படத்தின் மூலம் மீண்டும் படங்களில் நடிக்க ஆரம்பித்தார்.
இவர் நடிப்பில் கடைசியாக வெளியான திரைப்படம் உடன்பிறப்பே. இந்த நிலையில் தற்போது புதிய திரைப்படம் ஒன்றில் நடிக்க உள்ளார். மலையாளத் திரை உலகின் சூப்பர் ஸ்டாரான மம்முட்டி நடிப்பில் உருவாக இருக்கும் மலையாள திரைப்படத்தில் ஜோதிகா நடிக்கின்றார்.
குடும்ப பின்னணி திரைப்படமாக உருவாகும் இந்த படத்தை ஜியோ பேபி இயக்க உள்ளார். அண்மையில் காதல் என்ற பெயரில் படம் உருவாக இருப்பதாக அதிகாரப்பூர்வமாக போஸ்டருடன் அறிவித்தார் மம்முட்டி. இந்த நிலையில் தற்போது இத்திரைப்படத்தின் படப்பிடிப்பில் ஜோதிகா இணைந்துள்ளார்.