“லவ் டுடே திரைப்படத்திற்கு கிடைத்த வரவேற்பு”…. இந்த செயலால் மகிழ்ச்சியில் படக்குழு….!!!!!!

லவ் டுடே திரைப்படத்தின் திரையரங்க எண்ணிக்கை அதிகரித்திருப்பதால் படக்குழு மகிழ்ச்சி அடைந்துள்ளார்கள்.

தமிழ் சினிமாவில் 2019 ஆம் ஆண்டு வெளியான கோமாளி படத்தின் மூலம் இயக்குனராக அறிமுகமானவர் பிரதீப் ரங்கநாதன். இவர் தற்போது லவ் டுடே திரைப்படத்தை இயக்கியுள்ளார். இப்படத்தை ஏஜிஎஸ் என்டர்டெயின்மெண்ட் நிறுவனம் தயாரித்துள்ளது. பிரதீப் ரங்கநாதன் கதாநாயகனாக நடிக்கும் இந்தப்படத்தில் சத்யராஜ், ராதிகா, யோகி பாபு, ரவீனா மற்றும் ஆதித்யா கதிர் உள்ளிட்ட பலர் நடித்துள்ளார்கள்.

இந்த படத்திற்கு யுவன் சங்கர் ராஜா இசையமைத்துள்ளார். இத்திரைப்படம் நவம்பர் 4-ம் தேதி தியேட்டரில் வெளியாகி உள்ளது. இந்த நிலையில் இப்படம் அனைத்து தரப்பு ரசிகர்களிடையே நல்ல வரவேற்பை பெற்றுள்ளது. இதனால் திரையரங்க எண்ணிக்கை அதிகரித்துக் கொண்டே வருகின்றது. இது தமிழகம் மட்டுமல்லாமல் சிங்கப்பூரிலும் திரையரங்குகளின் எண்ணிக்கை அதிகப்படுத்தப்பட்டிருப்பதால் படக்குழு மகிழ்ச்சியடைந்துள்ளார்கள்.