“மருத்துவக் கல்லூரியில் நடந்த கலாச்சார நிகழ்ச்சி”…. சாம்பியன் பட்டத்தை தட்டிச்சென்ற லயோலா கல்லூரி…!!!!!

கீழ்ப்பாக்கம் மருத்துவக் கல்லூரியில் நான்கு நாட்களாக கலாச்சார நிகழ்ச்சி நடைபெற்றது.

சென்னை மாவட்டத்தில் உள்ள கீழ்ப்பாக்கம் அரசு மருத்துவக் கல்லூரியில் 43-வது கலை கலைசாரா நிகழ்ச்சி சென்ற பத்தாம் தேதி ஆரம்பமானது. இதனை டாக்டர் கனிமொழி தொடங்கி வைத்தார். இந்த நிகழ்ச்சியில் தமிழகத்தைச் சேர்ந்த மருத்துவக் கல்லூரி மாணவர்களும் தென்னிந்தியாவில் இருக்கும் நூறுக்கும் மேற்பட்ட கல்லூரி மாணவர்களும் பங்கேற்றார்கள்.

இதில் ஆடை அணிவகுப்பு, ஆணழகன், மெஹந்தி, வினாடி வினா, பாடல், நடனம், இசை, நாடகம், சோப்பில் உருவம் வரைதல், பட்டிமன்றம், மிமிக்ரி என 45க்கும் மேற்பட்ட போட்டிகள் நடத்தப்பட்டது. நான்கு நாட்களாக நடைபெற்ற இந்த போட்டி நேற்று நிறைவு பெற்றது.

இதில் வெற்றி பெற்றவர்களுக்கு நடிகர் கபாலி விஷ்வந்த் பங்கேற்று பாராட்டுகளை கூறினார். இறுதிப்போட்டியில் ஒட்டு மொத்த சாம்பியன் பட்டத்தை சென்னை லயோலா கல்லூரி தட்டி சென்றது. இதன்பின் போட்டியில் வெற்றி பெற்ற மாணவர்களுக்கு பரிசு மற்றும் பாராட்டு சான்றிதழ் வழங்கப்பட்டது.