பிரபல தெலுங்கு நடிகை தமிழில் என்ட்ரி கொடுக்கின்றார்.
தெலுங்கு திரை உலகில் தற்போது வளர்ந்து வரும் நடிகைகளில் ஒருவராக திகழ்கின்றார் நடிகை பானு ஸ்ரீ. பல தெலுங்கு திரைப்படங்களில் நடித்த இவர் தற்போது பிரேக்கிங் நியூஸ் என்ற திரைப்படம் மூலமாக தமிழில் என்ட்ரி கொடுக்கின்றார். அந்த திரைப்படத்தில் ஹீரோவாக நடிகர் ஜெய் நடிக்கின்றார்.
இத்திரைப்படத்தை ராகுல் பிலிம்ஸ் தயாரிக்க அண்ட்ரூ பாண்டியன் இயக்குகின்றார். சயின்ஸ் பிக்சன் ஆக்சன் திரில்லர் கதையாக உருவாகும் இத்திரைப்படத்தில் ஜெய் சூப்பர் ஹீரோவாக நடிக்க ராகுல் தேவ், தேவ் கில் வில்லன்களாக நடிக்கின்றார்கள். மேலும் சினேகன் முக்கிய வேடத்தில் நடிக்கின்றார். இத்திரைப்படத்தின் போஸ்ட் ப்ரொடக்ஷன் பணிகள் தற்போது நடைபெற்று வருகின்றது.