கிராமத்து தோற்றத்தில் அதர்வா-ராஜ்கிரண்…. “பட்டத்து அரசன்” படத்தின் ரிலீஸ் தேதி அறிவிப்பு…!!!!!

அதர்வா நடிக்கும் புதிய திரைப்படத்தின் ரிலீஸ் தேதி அறிவிக்கப்பட்டுள்ளது.

தமிழ் சினிமாவில் முன்னணி நடிகராக வலம் வருகின்றார் அதர்வா. இவர் தற்போது களவாணி, களவாணி 2, டோரா, வாகை சூடவா, நய்யாண்டி, சண்டிவீரன் உள்ளிட்ட திரைப்படங்களை இயக்கிய இயக்குனர் சற்குணம் இயக்கத்தில் பட்டத்து அரசன் என்ற திரைப்படத்தில் நடித்திருக்கின்றார். இத்திரைப்படத்தை லைகா நிறுவனம் தயாரிக்கின்றது.

படம் குறித்து வெளியான போஸ்டரில் அதர்வாவும் ராஜ்கிரணும் கிராமத்து பாணியில் இருக்கின்றார்கள். இதனால் இத்திரைப்படம் கிராமத்து பின்னணியில் உருவாகி இருக்கலாம் என தெரிகின்றது. மேலும் படத்தில் ராதிகா சரத்குமார் நடித்துள்ளார். ஜிப்ரான் இசையமைக்கும் இப்படத்திற்கு யு சான்றிதழ் வழங்கப்பட்டுள்ளது. இந்த நிலையில் இத்திரைப்படம் வருகின்ற நவம்பர் 25ஆம் தேதி தியேட்டரில் வெளியாகும் என அதிகாரப்பூர்வமாக அறிவிக்கப்பட்டிருக்கின்றது.