ஆர் ஆர் ஆர் திரைப்படத்தின் இரண்டாம் பாகம் குறித்து இயக்குனர் ராஜமௌலி பேசியுள்ளார்.
ராஜமவுலி இயக்கத்தில் உருவாகும் “ஆர் ஆர் ஆர்” திரைப்படத்தில் ராம்சரண், ஜூனியர் என்டிஆர், ஆலியா பட், அஜய் தேவ்கன், ஸ்ரேயா சரண் உள்ளிட்ட பலர் நடித்திருந்தனர். இத்திரைப்படத்தில் பல பிரம்மாண்டங்களை நிகழ்த்தி இருந்தார் ராஜமௌலி. இத் திரைப்படத்தின் ரிலீஸுக்காக ரசிகர்கள் தீவிரமாக காத்திருந்தனர்.
அதன்படி திரைப்படம் தெலுங்கு, தமிழ், ஹிந்தி, மலையாளம் என இந்திய மொழிகளில் சென்ற மார்ச் மாதம் 25ஆம் தேதி வெளியாகி 1000-ம் கோடிக்கும் அதிகமாக வசூலை அள்ளியது. இந்த நிலையில் இத்திரைப்படத்தின் இரண்டாம் பாகத்தை இயக்குனர் ராஜமௌலி உறுதிப்படுத்தியுள்ளார்.
ராஜமௌலி பங்கேற்ற நிகழ்ச்சி ஒன்றில் பேசும்போது, என் தந்தை தான் என்னுடைய எல்லா திரைப்படங்களுக்கும் கதை எழுதி இருக்கின்றார். நாங்கள் இருவரும் ஆர்ஆர்ஆர்-2 திரைப்படம் பற்றி ஓரளவு பேசியிருக்கின்றோம். இரண்டாம் பாகத்தின் கதையை உருவாக்குவதற்கான பணிகளில் ஈடுபட்டு வருவதாக தெரிவித்துள்ளார்.