மாநில அளவிலான மெல்லிசைப் போட்டியில் பெரிய குளம் மாணவி வெற்றி பெற்றுள்ளார்.
தேனி மாவட்டத்தில் தமிழக அரசு பள்ளி கல்வித்துறை சார்பாக மாவட்ட அளவிலான கலை பண்பாட்டு திருவிழா நடைபெற்றது. இதில் மெல்லிசை சம்பந்தமான பல்வேறு போட்டிகள் நடைபெற்றதில் மாவட்டத்தில் இருக்கும் பள்ளி மாணவிகள் பலர் பங்கேற்றார்கள். அதில் வயலின் இசை பிரிவில் பெரியகுளம் மேரி மாதா மெட்ரிக் பள்ளி பிளஸ் 1 மாணவி எஸ்.ரோநி மணித்ரா முதலிடத்தை பிடித்து இருக்கின்றார்.
இதையடுத்து நாமக்கலில் நடைபெற்ற மாநில அளவிலான மெல்லிசைப் போட்டியில் வயலின் இசை பிரிவில் வெற்றி பெற்று மூன்றாம் இடத்தை பிடித்திருக்கின்றார். இவருக்கு பள்ளிக்கல்வித்துறை சார்பாக பரிசு வழங்கப்பட்டது. இதில் வெற்றி பெற்ற மாணவிக்கு பள்ளி ஆசிரியர்கள் மாணவ-மாணவிகள் பாராட்டி தங்களுடைய வாழ்த்துகளை தெரிவித்தார்கள்.