வாரிசு திரைப்படத்தில் ரெட் ஜெயண்ட் மூவிஸ் வெளியிடுகின்றது.
தமிழ் சினிமா திரையுலகில் முன்னணி நடிகர்களில் ஒருவராக வலம் வருகின்றார் விஜய். இவர் தனக்கென தனி ரசிகர் பட்டாளத்தையே உருவாக்கியுள்ளார். இத்திரைப்படத்தை வம்சி இயக்க ஸ்ரீ வெங்கடேஸ்வரா சினி கிரியேஷன் தயாரிக்கின்றது. இத்திரைப்படத்தில் விஜய்யுடன் இணைந்து ராஷ்மிகா மந்தனா, ஷாம், சரத்குமார், குஷ்பூ, ஸ்ரீகாந்த், சங்கீதா உள்ளிட்டோர் முக்கிய கதாபாத்திரத்தில் நடிக்கின்றார்கள். பொங்கல் பண்டிகைக்கு இந்த படம் ரிலீஸ் ஆக இருக்கிறது.
இத்திரைப்படத்தின் தமிழக ரிலீஸ் உரிமையை செவன் ஸ்கிரீன் ஸ்டூடியோ நிறுவனம் பெற்றிருப்பதாக அதிகாரபூர்வமாக அறிவிக்கப்பட்டது. இருப்பினும் விஜயின் வாரிசு படத்தை சென்னை மற்றும் செங்கல்பட்டு ஏரியாக்களுக்கு வெளியிடும் உரிமையை ரெட் ஜெயண்ட் மூவிஸ் நிறுவனம் வாங்கியுள்ளதாக புதிய தகவல் ஒன்று வெளியாகியுள்ளது.
ஏற்கனவே விஜய், அஜித் திரைப்படங்கள் ஒரே நாளில் வெளியாக உள்ளதால் இரு திரைப்படங்களுக்கும் சம அளவில் தியேட்டர்கள் ஒதுக்கப்படும் என உதயநிதி ஸ்டாலின் கூறியிருந்தார். அதேபோல் தற்போது சென்னை மற்றும் செங்கல்பட்டு இரண்டு ஏரியாக்களுக்கும் சம அளவு தியேட்டர்கள் ஒதுக்கப்பட்டு வருகின்றதாம். கூடிய விரைவில் தமிழக முழுவதும் எந்தெந்த திரையரங்கு விஜய், அஜித் படங்கள் வெளியாக உள்ளது என்ற தகவல் வெளியிடப்படும் என எதிர்பார்க்கப்படுகின்றது.