புகாரின் அடிப்படையில் உணவு பாதுகாப்பு துறை அதிகாரிகள் சோதனையில் ஈடுபட்டதில் காலாவதியான உணவுப் பொருட்கள் பறிமுதல் செய்யப்பட்டது.
மாநில உணவு பாதுகாப்பு துறையின் வாட்ஸ் அப் சேவை எண்ணிற்கு புகார் ஒன்று வந்தது. இதனால் பாதுகாப்பு துறையின் மாவட்ட நியமன அலுவலர் தலைமையிலான குழுவினர் தூத்துக்குடி மாவட்டத்தில் உள்ள பூபாலராயர்புரத்தில் இருக்கும் ஒரு கடையில் திடீர் ஆய்வு மேற்கொண்டார்கள். அப்போது 201 கிலோ காலாவதியான லேபிள் இல்லாமலும் போலி முகவரியுடனும் ஒட்டப்பட்ட உணவு பொருட்கள் விற்பனைக்காக வைத்திருந்தது தெரிய வந்தது.
இதைத்தொடர்ந்து உணவு பாதுகாப்பு துறை அதிகாரிகள் 201 கிலோ உணவு பொருட்களை பறிமுதல் செய்தார்கள். மேலும் சம்பந்தப்பட்ட நிறுவனத்தின் உரிமையாளரிடமும் தொடர் விசாரணை நடந்து வருகின்றது. இதுபோல சிவந்தாகுளம் ரோட்டில் இருக்கும் உணவகத்தில் அதிகாரிகள் ஆய்வு செய்தபோது தயாரிப்பு தேதியில்லாத 6 கிலோ உறைநிலையில் இருந்த சிக்கன் மற்றும் நண்டு பறிமுதல் செய்யப்பட்டு அழிக்கப்பட்டது.