கமல் நடிக்கும் இந்தியன் 2 திரைப்படத்தில் பிரபல இந்தி நடிகர் நடிக்கின்றார்.
தமிழ் சினிமா உலகில் உச்ச நட்சத்திரமாக வலம் வருகின்றார் கமல். அண்மையில் கமல் நடிப்பில் லோகேஷ் கனகராஜ் இயக்கத்தில் வெளிவந்த விக்ரம் திரைப்படம் சூப்பர் டூப் ஹிட்டானது. சென்ற 2018 ஆம் வருடம் தொடங்கி சில காரணங்களால் நிறுத்தப்பட்ட இந்தியன்2 திரைப்படத்தின் படப்பிடிப்பு தற்போது மீண்டும் தொடங்கப்பட்டு விறுவிறுப்பாக நடந்து வருகின்றது.
இந்தநிலையில் கமல் இந்தியன் 2 படத்தில் நடித்து வருகின்றார். இத்திரைப்படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், ப்ரியா பவானி சங்கர் உள்ளிட்ட பலர் நடித்து வருகின்றார்கள். இத்திரைப்படத்தை லைக்கா நிறுவனம் தயாரிக்க அனிருத் இசை அமைக்கின்றார்.
இத்திரைப்படத்தில் நடிக்க பிரபல இந்தி வில்லன் நடிகர் குசன் குரோவர் ஒப்பந்தம் செய்யப்பட்டு இருக்கின்றார். அவர் சென்னை வந்து படப்பிடிப்பில் ஈடுபட்டுள்ளார். அப்போது கமலை சந்தித்த புகைப்படங்களை தனது சோசியல் மீடியா பக்கத்தில் பகிர்ந்து இந்தியா 2 திரைப்படத்தில் கமல்ஹாசனுடன் நடிப்பது உற்சாகம் அளிப்பதாக தெரிவித்திருக்கின்றார்.