தளபதி 67 திரைப்படம் குறித்து செய்தி வெளியாகியுள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் கடைசியாக வெளியான விக்ரம் படம் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67-ல் இந்த கூட்டணி மீண்டும் இணைந்துள்ளது. இத்திரைப்படத்தின் படப்பிடிப்பு ஜனவரியில் ஆரம்பமாக உள்ளது. இத்திரைப்படம் குறித்து ரசிகர்கள் தகவல்கள் கேட்டு வருகின்ற நிலையில் லோகேஷ் எந்த ஒரு தகவலையும் சொல்லாமல் இருக்கின்றார். இந்த நிலையில் இப்படம் குறித்த புதிய தகவல் ஒன்று வெளியாகியுள்ளது.
இத்திரைப்படம் ஹாலிவுட்டில் வெளியான எ ஹிஸ்டரி ஆப் வயலன்ஸ் என்ற திரைப்படத்தின் ரீமேக் என்ற செய்தி வெளியாகியிருக்கின்றது. இத்திரைப்படத்தின் கதையை தமிழுக்கு ஏற்றவாறு மாற்றி உள்ளதாக சொல்லப்படுகின்றது. இத்திரைப்படம் சாதாரண குடும்ப வாழ்க்கையில் ஈடுபட்டிருக்கும் ஹீரோ, வன்முறை சம்பவத்தில் எதிர்பாராவிதமாக ஈடுபட அதன் பிறகு அவரது வாழ்க்கை மாறும் கதையில் உருவாக இருக்கின்றது. இக்கதையில் தனது யுனிவர்சல் கேரக்டர்களையும் இணைத்து புதிய கோணத்தில் லோகேஷ் கனகராஜ் படமாக்க உள்ளதாக செய்தி வெளியாகி இருக்கின்றது.