ஆணழகன் போட்டியில் வெற்றி பெற்ற வாலிபரை பொதுமக்கள் பாராட்டியுள்ளனர்.
கோயமுத்தூர் மாவட்டத்தில் உள்ள ஊத்துக்குளி செல்லமுத்து நகரில் உமர் பாரூக்-முகமதா தம்பதியினர் வசித்து வருகின்றனர். இவர்களுக்கு ஆசாத் சுலைமான் என்ற மகன் உள்ளார். இந்நிலையில் ஆசாத் சுலைமான் மாநில அளவில் நடைபெற்ற ஆணழகன் போட்டியில் முதலிடமும், தேசிய அளவில் 2-வது இடமும் பிடித்து சாதனை படைத்துள்ளார். இவரை பொதுமக்கள் பாராட்டி வருகின்றனர்.
இந்நிலையில் முகமது சுலைமானின் தந்தையான உமர்பாரூக் கூறியதாவது. எனது மகனான ஆசாத் சுலைமான் 9 ஆண்டுகளாக உடல் பயிற்சி செய்து வருகிறார். ஆனால் தற்போது தேசிய அளவில் நடைபெற்ற போட்டியில் வெற்றி பெற்று பெருமை தேடி தந்துள்ளார். இந்நிலையில் எனது மகனின் உடல் பயிற்சிக்கு மட்டும் மாதம் 25 ஆயிரம் ரூபாய் செலவாகிறது. இதனால் நாங்கள் வாடகை வீட்டில்தான் வசித்து வருகிறோம். எனவே எங்களுக்கு அரசு உதவி செய்ய வேண்டும் என அவர் கூறியுள்ளார்.