பிரபல நடிகர் மாதவன் இயக்குனராக அறிமுகம் ஆகியுள்ள திரைப்படம் ராக்கெட்ரி தி நம்பி எஃபெக்ட். இஸ்ரோ ராக்கெட் விஞ்ஞானி நம்பி நாராயணனின் வாழ்க்கையில் நடைபெற்ற உண்மை சம்பவங்களை அடிப்படையாக கொண்ட இந்தத் திரைப்படத்தை இயக்குவது மட்டுமல்லாமல் அதில் முக்கிய கதாபாத்திரத்திலும் நடித்திருக்கின்றார். இந்த படம் ஜூலை ஒன்றாம் தேதி திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது. மேலும் திரை பிரபலங்கள் பலர் வாழ்த்து தெரிவித்திருந்த நிலையில் இந்த திரைப்படம் அதிக வசூல் ஈட்டி உள்ளது. இந்நிலையில் ராக்ட்ரி தி நம்பி எஃபெக்ட் திரைப்படத்தில் கூறப்பட்ட 90% தகவல்கள் பொய்யானது என இந்திய விண்வெளி ஆராய்ச்சி நிறுவனத்தின் முன்னாள் விஞ்ஞானிகள் தெரிவித்து இருக்கின்றனர்.
இந்த திரைப்படம் பற்றி முன்னாள் இஸ்ரோ விஞ்ஞானிகள் எ இ முத்துநாயகம், டிவிஎஸ் நம்பூதிரி, டீ சசிகுமார் போன்றோர் கூறியதாவது விஞ்ஞானி விஞ்ஞானி நம்பி நாராயணன் வாழ்க்கை வரலாறு பற்றிய படத்தில் 90 சதவீதம் தவறான தகவல்கள் மட்டுமே கூறப்பட்டிருக்கிறது.. இஸ்ரோவில் பணியாற்றி ஜனாதிபதியாகவும் பதவி வகித்த அப்துல் கலாமின் தவறை திருத்தியதாக கூறி இருப்பது முற்றிலும் தவறான தகவல். அதுமட்டுமல்லாமல் தான் கைது செய்யப்பட்டதால் தான் இந்தியாவிற்கு கிரயோஜனிக் தொழில்நுட்பம் தாமதமாக கிடைத்தது என்ற ஆதாரமற்ற தகவலையும் படத்தில் தெரிவித்து இருக்கின்றனர். கிரயோஜனிக் திட்டத்திற்கும் எந்த தொடர்பும் இல்லை என தெரிவித்துள்ளனர்.