துணிவு திரைப்படம் குறித்து போனி கபூர் பேசி உள்ளார்.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் டப்பிங் பணிகள் நடந்து வருகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
இந்த நிலையில் இத்திரைப்படத்தின் தயாரிப்பாளர் போனி கபூர் அண்மையில் பேட்டியளித்த பேட்டியில் துணிவு திரைப்படம் குறித்து பேசி உள்ளார். அப்போது அவர் தெரிவித்துள்ளதாவது, அஜித் குமாரை இதுவரை பார்க்காத கேரக்டரில் இந்த படத்தில் பார்க்கலாம். அவரது சொந்த வாழ்க்கையின் சில தருணங்கள் இத்திரைப்படத்துடன் ஒத்து போய் உள்ளது என தெரிவித்துள்ளார். இந்த தகவலால் ரசிகர்கள் மத்தியில் எதிர்பார்ப்பை ஏற்படுத்தியுள்ளது.