மதுரை ரயில்வே கோட்டத்தில் தண்டவாள பராமரிப்பு பணிக்காக போக்குவரத்து மாற்றப்பட்டுள்ளது.
மதுரை கோட்ட ரயில்வேக்கு உட்பட்ட தென் மாவட்டங்களில் இருக்கும் ரயில் தண்டவாளப் பகுதிகளில் பல்வேறு பராமரிப்பு பணிகள் நடக்கின்றது. இதனால் அவ்வழியாக இயக்கப்படும் ரயில்களுக்கு போக்குவரத்து மாற்றம் செய்யப்பட்டுள்ளது. காலை 11:30 மணிக்கு மதுரையிலிருந்து செங்கோட்டை புறப்படும் எக்ஸ்பிரஸ் ரயில், செங்கோட்டையிலிருந்து காலை 11.50 மணிக்கு மதுரை புறப்படும்எக்ஸ்பிரஸ் ரயில் உள்ளிட்டவை வருகின்ற 6 மற்றும் 7ம் தேதிகளில் முழுமையாக ரத்து செய்யப்படுகின்றது.
மதுரை-விழுப்புரம் எக்ஸ்பிரஸ் ரயில் வரும் 5-ம் தேதி முதல் 10ஆம் தேதி வரையிலும் 12ம் தேதி முதல் 15ஆம் தேதி வரையிலும் திண்டுக்கல் ரயில் நிலையத்தில் இயக்கப்பட உள்ளது. ராமேஸ்வரம் மதுரை எக்ஸ்பிரஸ் கட்டண பேசஞ்சர் ரயில் நேற்று முதல் வருகின்ற 31ஆம் தேதி வரை வியாழக்கிழமை தவிர்த்து மற்ற நாட்களில் காலை 11 மணிக்கு பதிலாக ஒரு மணி நேரம் தாமதமாக ராமேஸ்வரத்தில் இருந்து 12 மணிக்கு புறப்படுகின்றது. இதுபோல மதுரை கச்சக்குடா வாராந்திர சிறப்பு ரயில் வரும் 7-ம் தேதி மதுரையிலிருந்து அதிகாலை 05.30 மணிக்கு பதிலாக அதிகாலை 06.30 மணிக்கு புறப்படும்.