தூத்துக்குடியில் புதிய துணை மின் நிலையம் அடிக்கல் நாட்டு விழா நடைபெற்றது.
தூத்துக்குடி மாவட்டத்தில் உள்ள உடன்குடி உபகோட்டம் படுக்கப்பத்து கிராமத்தில் துணை மின் நிலையத்திற்கு அடிக்கல் நாட்டு விழா நடைபெற்றது. இந்த விழாவில் அமைச்சர் அனிதா ராதாகிருஷ்ணன் பங்கேற்று அடிக்கல் நாட்டினார். இதன்பின் அவர் கூறியுள்ளதாவது, புதியதாக ஒரு லட்சம் விவசாயிகளுக்கு முதல்வர் இலவச மின்சாரம் வழங்கி இருக்கின்றார்.
மேலும் 50 ஆயிரம் விவசாயிகளுக்கு இலவச மின்சாரம் வழங்குவதற்கான பணிகள் நடைபெற்று வருகின்றது. இதன் அடிப்படையிலேயே புதிய துணை மின் நிலையம் கட்டப்பட இருக்கின்றது. துணை மின் நிலையம் மூலமாக சொக்கன் குடியிருப்பு, உசரத்துக்கு குடியிருப்பு, பெரியதாழை, செட்டி விளை, கொமட்டிக் கோட்டை, சுண்டன்கோட்டை ஆகிய பகுதிகளுக்கு தாராளமாக மின்சாரம் கிடைக்கும் என தெரிவித்துள்ளார்.