மூதாட்டி கொடுத்த மனுவிற்கு சிறிது நேரத்திலேயே உதவித்தொகை வழங்குவதற்கான ஆணையை ஆட்சியர் கொடுத்தார்.
தூத்துக்குடி மாவட்டத்தில் உள்ள ஆட்சியர் அலுவலகத்தில் மக்கள் குறைதீர்க்கும் நாள் கூட்டம் நடைபெற்றது. அப்போது வாசலில் மனுக்கொடுப்பதற்காக மூதாட்டி தங்கம்மாள் அமர்ந்திருந்தார். அவரிடம் இருந்த மனுவை பெற்றுக் கொண்ட ஆட்சியர் உடனடியாக உதவித்தொகை வழங்குமாறு உத்தரவிட்டார்.
அதன்படி சமூக பாதுகாப்பு திட்டத்தின் கீழ் மாதாந்திர உதவித்தொகை ரூபாய் 1000 வழங்குவதற்கு நடவடிக்கை எடுக்கப்பட்டது. இதற்கான ஆணையை ஆட்சியர் மூதாட்டியிடம் வழங்கினார். மனு கொடுத்த சிறிது நேரத்திலேயே உதவித்தொகைக்கான ஆணை கிடைத்ததால் மூதாட்டி மகிழ்ச்சியுடன் சென்றார்.