தளபதி 67 திரைப்படத்தின் கதை கசிந்துள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் கடைசியாக வெளியான விக்ரம் படம் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67-ல் இந்த கூட்டணி மீண்டும் இணைந்துள்ளது.
இத்திரைப்படத்தின் பூஜை சென்ற 5-ம் தேதி போடப்பட்டது. பூஜையில் எடுக்கப்பட்ட போட்டோக்கள் மற்றும் வீடியோக்கள் இதுவரை எதுவும் வெளியாகவில்லை. இத்திரைப்பட அறிவிப்பு டீசர் படப்பிடிப்பிற்காக பிரசாத் ஸ்டூடியோவில் இரண்டு செட்கள் அமைக்கப்பட்டிருப்பதாகவும் அதன் படபிடிப்பு வேகமாக நடந்து வருவதாகவும் செய்திகள் வெளியாகி உள்ளது. படத்தில் குடும்ப தலைவன் எப்படி ஒரு கேங்ஸ்டர் ஆக மாறுகின்றார் என்பதை கருவாகக் கொண்டு உருவாக்க இருப்பதாக செய்தி கசிந்து இருக்கின்றது. மேலும் ஹாலிவுட் படமான ஹிஸ்டரி ஆஃப் வைலன்ஸ் தழுவலாக இருக்கலாம் எனவும் செய்திகள் லீக் ஆகி உள்ளது. மேலும் இந்திய அளவில் புகழ்பெற்ற நடிகர் ஒருவர் படத்தின் நடிக்க உள்ளதாகவும் அதற்கேற்ப கதையும் பெரியதாக இருக்கும் என எதிர்பார்க்கப்படுகின்றது.