கூகுளில் அதிகம் தேடப்பட்ட பத்து தமிழ் திரைப்படங்களின் பட்டியல் வெளியாகியுள்ளது.
கூகுள் நிறுவனம் வருடம் தோறும் அதிகம் தேடப்பட்ட சொற்கள், கேள்விகள், திரைப்படங்கள் என பல்வேறு துறை சார்ந்த பட்டியலை வெளியிட்டு வருகின்றது. அந்த வகையில் 2022 ஆம் வருடத்தில் கூகுளில் அதிகம் தேடப்பட்ட தமிழ் திரைப்படங்களின் பட்டியலை வெளியிட்டு இருக்கின்றது.
இதில் முதல் இடத்தை கமலின் விக்ரம் திரைப்படம் பிடித்துள்ளது. இரண்டாவது இடத்தை பொன்னியின் செல்வன் திரைப்படமும் மூன்றாம் இடத்தை விஜயின் பீஸ்ட் திரைப்படமும் பெற்றிருக்கின்றது. மேலும் நான்காம் இடத்தை ராக்கெட்ரி திரைப்படமும் ஐந்தாம் இடத்தை லவ் டுடே திரைப்படமும் ஆறாம் இடத்தை வலிமை திரைப்படமும் ஏழாம் இடத்தை திருச்சிற்றம்பலம் திரைப்படமும் பெற்று இருக்கின்றது. தொடர்ந்து மகான் படம் எட்டாம் இடத்தையும் கோப்ரா படம் ஒன்பதாம் இடத்தையும் விருமன் திரைப்படம் பத்தாம் இடத்தையும் பெற்றிருக்கின்றது.