நடிகர் சாயாஜி ஷிண்டே மீது பிரபல இயக்குனர் போலீசில் புகார் கொடுத்துள்ளார்.
நடிகர் சாயாஜி ஷிண்டே தமிழில் பூவெல்லாம் உன் வாசம், அழகி, பாபா, வேலாயுதம், அழகிய தமிழ் மகன், வேட்டைக்காரன், சந்தோஷ் சுப்ரமணியம் ஆகிய திரைப்படங்களில் நடித்துதான் மூலம் மக்களிடையே பிரபலமானார். இவர் இந்தி, தெலுங்கு, கன்னடம், மலையாளம் உள்ளிட்ட மொழி படங்களில் நகைச்சுவை, வில்லன், குணச்சித்திர வேடத்தில் நடித்திருக்கின்றார். இந்த நிலையில் இவர் மீது இயக்குனர் சச்சின் மும்பை காவல் நிலையத்தில் புகார் அளித்திருக்கின்றார்.
அவர் அளித்துள்ள புகார் மனுவில் கூறியுள்ளதாவது, எனது படத்தில் நடிக்க சாயாஜி ஷிண்டேவை ஒப்பந்தம் செய்தேன். இதற்காக அவருக்கு சம்பளமாக 5 லட்சம் கொடுத்தேன். ஆனால் படப்பிடிப்பு தொடங்கிய போது படத்தின் கதையை மாற்றும்படி தெரிவித்தார். நான் மறுத்ததால் அவர் படத்தில் நடிக்க மாட்டேன் என வெளியேறி விட்டார். இதனால் எனக்கு 17 லட்சம் இழப்பு ஏற்பட்டு இருக்கின்றது. நாங்கள் கொடுத்த 5 லட்சத்தையும் தரவில்லை. ஆகையால் அவர் மீது நடவடிக்கை எடுக்க வேண்டும் என தெரிவித்துள்ளார். இதுபற்றி போலீசார் விசாரணை மேற்கொண்டு வருகின்றார்கள்.