ரஞ்சிதமே பாடலின் சாதனையை முறியடித்துள்ளது அஜித்தின் துணிவு பட சில்லா சில்லா பாடல்.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் டப்பிங் பணிகள் நடந்து வருகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
இந்த நிலையில் இப்படத்தில் இடம்பெற்றுள்ள அஜித்தின் அறிமுக படலான சில்லா..சில்லா இன்று மாலை 06.30 மணிக்கு வெளியானது. அனிருத் பாடியுள்ள இந்த பாடலை தற்போது அஜித் ரசிகர்கள் கொண்டாடி வருகின்றார்கள். இந்த பாடல் வெளியான ஒரு மணி நேரத்திற்கு உள்ளாகவே விஜயின் வாரிசு படத்தின் ரஞ்சிதமே பாடலின் சாதனையை முறியடித்து உள்ளது. ரஞ்சிதமே பாடல் வெளியாகி கிட்டத்தட்ட ஒரு மணி நேரம் ஆனபோது 500k லைக்ஸ் பெற்ற நிலையில் துணிவு பட சில்லாசில்லா பாடல் வெளியான 47 நிமிடங்களிலேயே 500k லைக்ஸ் பெற்று சாதனை படைத்துள்ளது.
Another day Another record 🔥🏌️#Thunivu #Ajithkumar #ChillaChilla pic.twitter.com/QsouH2vJIr
— R O M A N (@__R0MAN__) December 9, 2022