நாடு முழுதும் கொரோனா பரவல் காரணமாக ஊரடங்கு அமல்படுத்தப்பட்டது. இதனால் பள்ளிகள் மற்றும் கல்லூரிகள் மூடப்பட்டன. இதையடுத்து மாணவர்களுக்கு ஆன்லைன் வகுப்புகள் நடத்தப்பட்டு வருகிறது. இந்நிலையில் 9 முதல் 12 ஆம் வகுப்பு மாணவர்களுக்கு மட்டும் பள்ளிகள் திறக்கப்பட்டது. மேலும் பன்னிரண்டாம் வகுப்பு மாணவர்களுக்கு பொதுத் தேர்வு நடத்துவதற்கான தேதி குறித்து அட்டவணை வெளியிடப்பட்டது. இந்நிலையில் ஏற்கனவே கடந்த வருடம் 9,10,11 வகுப்பு மாணவர்களுக்கு பொதுத் தேர்வு நடத்தப்படவில்லை.
தேர்வு எழுதாமலே மாணவர்கள் தேர்ச்சி பெற்றதாக அறிவிக்கப்பட்டது. இதையடுத்து இந்த வருடமும் பொதுத்தேர்வு இல்லாமல் 9,10,11 ஆம் வகுப்பு மாணவர்கள் தேர்ச்சி செய்யப்படுவார்கள் என்று அரசு அறிவித்துள்ளது. இதனால் மாணவர்களிடையே மகிழ்ச்சியை ஏற்படுத்தியுள்ளது. இந்நிலையில் 9,10,11 மாணவர்கள் நாளை முதல் பள்ளிக்கு வரவேண்டாம் என்று என்று பள்ளிக்கல்வித்துறை தெரிவித்துள்ளது.