தூத்துக்குடி அருகே பீர்க்கங்காய், வெள்ளரிக்காய் விளைச்சல் நன்றாக நடைபெற்று இருப்பதால் விவசாயிகள் மகிழ்ச்சி அடைந்துள்ளார்கள்.
தூத்துக்குடி மாவட்டத்திலுள்ள மாப்பிள்ளையூரணி கிராமத்தில் விவசாயிகள் வடகிழக்கு பருவ மழையின் போது வருடம் தோறும் வெள்ளரிக்காய், பீர்க்கங்காய் உள்ளிட்டவற்றை பயிரிடுவார்கள். அவற்றை சுமார் 300 ஏக்கர் பரப்பளவில் பயிரிடுவர். அந்த வகையில் இதற்கான விதைகளை புரட்டாசி மாதத்தில் விதைத்தார்கள்.
இவை நான்றாக வளர்ந்து கார்த்திகை மாதத்தில் அறுவடைக்கு தயாராகும். இந்த நிலையில் இந்த வருட வடகிழக்கு பருவ மழையை நம்பி புரட்டாசி மாதத்தில் பீர்க்கங்காய், வெள்ளரிக்காய் விதைகளை விவசாயிகள் விதைத்தார்கள். அதற்கு ஏற்ப பருவமழையும் பெய்திருப்பதால் காய்கள் நன்றாக வளர்ந்து அறுவடை நடைபெற்று வருகின்றது. அதிக விளைச்சல் தந்திருப்பதால் விவசாயிகள் மகிழ்ச்சி அடைந்திருக்கின்றார்கள்.