வினோத் துணிவு திரைப்படம் குறித்து பேசியது வைரலாகி வருகின்றது.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. தற்போது படத்தின் டப்பிங் பணிகள் நடந்து வருகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
இந்த நிலையில் இத்திரைப்படத்தின் இயக்குனர் வினோத் அளித்த பேட்டி வைரலாகி வருகின்றது. அவர் அந்த பேட்டியில் கூறியுள்ளதாவது, துணிவு திரைப்படம் அஜித்தின் லுக்கில் ஒரு சின்ன முன்னோட்டத்தை பார்த்ததற்கு ரசிகர்கள் மிகுந்த உற்சாகமடைந்துள்ளார்கள். இதனையடுத்து மேலும் நாங்கள் வெளியிட இருக்கும் ப்ரோமோக்களை பார்த்தால் ரசிகர்கள் என்ன செய்வார்கள் என புரியவில்லை என தெரிவித்திருந்தார். இதைக் கேட்ட ரசிகர்கள் குஷியான நிலையில் மேலும் அந்த புரோமாக்களை பார்க்க மிகுந்த ஆவலுடன் காத்திருக்கின்றார்கள். இந்த தகவல் தற்போது சோசியல் மீடியாவில் வைரலாகி வருகின்றது.