முதல்வார இறுதி வசூலில் அவதார் திரைப்படம் உலக அளவில் மூன்றாம் இடத்தை பிடித்துள்ளது.
ஜேம்ஸ் கேமரூன் இயக்கத்தில் சென்ற 2009 ஆம் வருடம் வெளியான திரைப்படம் அவதார். இந்த திரைப்படம் உலகம் முழுவதும் மாபெரும் வெற்றியை பெற்றது. இந்தப் படம் 25 கோடி அமெரிக்க டாலர்கள் பொருட் செலவில் உருவாக்கப்பட்டு உலகம் முழுவதும் 250 கோடி அமெரிக்க டாலர்களை வசூல் செய்தது. இதுவரை எந்த திரைப்படமும் இந்த வசூல் சாதனையை முறியடித்தது இல்லை. இந்த நிலையில் தற்போது 12 வருடங்களுக்குப் பிறகு இரண்டாம் பாகம் டிசம்பர் 16ஆம் தேதி வெளியானது. இப்படம் உலகம் முழுவதும் 160 மொழிகளில் வெளியாகி இருக்கின்றது.
இத்திரைப்படத்தின் முதல் வார வசூல் சுமார் 435 மில்லியன் யு.எஸ் டாலர்களை பெற்றிருப்பதாக தகவல் வெளியாகி இருக்கின்றது. இது இந்திய மதிப்பில் ரூபாய் 3500 கோடியாகும். இந்த திரைப்படம் கொரோனாவிற்கு பிறருக்கு வெளியான படங்களின் முதல் வார வசூலை பொருத்தவரையில் மூன்றாம் இடத்தை பிடித்திருக்கின்றது. இதில் முதலிடத்தில் ஸ்பைடர் மேன் திரைப்படமும் இரண்டாம் இடத்தை டாக்டர் ஸ்ட்ரேஞ்ச் திரைப்படமும் பிடித்துள்ளது குறிப்பிடத்தக்கது.