திருச்செந்தூர்-நெல்லை இடையே மின்சார ரயில் இயக்கி சோதனை ஓட்டம் நடத்தப்பட்டது.
தூத்துக்குடி மாவட்டத்தில் உள்ள திருச்செந்தூர் முதல் திருநெல்வேலி வரை அகல ரயில் பாதையில் மின்மயமாக்கல் பணிகள் நடைபெற்று வந்த நிலையில் நிறைவடைந்துள்ளது. இந்த நிலையில் திங்கட்கிழமை தெற்கு ரயில்வே தலைமை முதன்மை மின் பொறியாளர் சித்தார்த்தா தலைமையில் ஆய்வு பணியானது நடைபெற்றது.
இதை தொடர்ந்து மின் எஞ்சின் பொருந்திய ரயில் திருநெல்வேலியில் இருந்து மதியம் 1:30 மணிக்கு திருச்செந்தூர் வந்தடைந்தது. இதையடுத்து ரயில் நிலையத்தில் மின்சார ரயில் இன்ஜின் முழுவதும் பூ மாலைகளால் அலங்கரிக்கப்பட்ட தேசிய தேசிய கோடி கலரில் பலூன்கள் கட்டப்பட்டிருந்தது. மேலும் சிறப்பு பூஜைகளும் நடத்தப்பட்டது. இதன் பின்னர் மாலை 3.5 மணிக்கு சோதனை ஓட்டமாக நெல்லையில் இருந்து புறப்பட்ட மின் இன்ஜின் ரயில் சோதனை ஓட்டம் மேற்கொள்ளப்பட்டது. இதற்கு ரயில்வே தலைமை திட்ட இயக்குனர், பொறியாளர் என அதிகாரிகள் பலர் பங்கேற்றார்கள்.