இசை வெளியீட்டு விழாவில் எடுத்த வீடியோவை விஜய் தனது டுவிட்டர் பக்கத்தில் பகிர்ந்துள்ளார்.
பிரபல இயக்குனர் வம்சி இயக்கத்தில் நடிகர் விஜய் நடிக்கும் வாரிசு படத்தை தில் ராஜ் தயாரிக்கிறார். இந்த படத்திற்கு இசையமைப்பாளர் தமன் இசையமைக்கிறார். ராஷ்மிகா மந்தனா நாயகியாக நடிக்கிறார். இந்த படத்தில் சரத்குமார், பிரகாஷ்ராஜ், பிரபு, யோகி பாபு உள்ளிட்ட நட்சத்திர பட்டாளமே நடிக்கின்றது. இது முழுக்க முழுக்க சென்டிமென்ட் கதையாக உருவாக இருக்கிறது என்று வாரிசு திரைப்பட வட்டாரங்கள் தகவல்கள் தெரிவிக்கின்றன.
ஏற்கனவே ஹைதராபாத் போன்ற பகுதிகளில் பிரமாண்ட செட் அமைக்கப்பட்டு பல்வேறு கட்டங்களாக பாடல் மற்றும் சண்டைக் காட்சிகள் படமாக்கப்பட்டு வந்தது. இந்நிலையில் விஜய் ரசிகர்களை உற்சாகப்படுத்தும் வகையில், ஃபர்ஸ்ட் சிங்கிள், செகன்ட் சிங்கிள் என பாடல்கள் வெளியாகின. இதனைத் தொடர்ந்து இசை வெளியீட்டு விழா நேற்று மாலை நேரு விளையாட்டு அரங்கில் ஆரம்பமாகி பிரம்மாண்டமாக நடைபெற்றது. இந்த விழாவிற்கு நடிகை ராஷ்மிகா மந்தனா, சரத்குமார், ஷியாம், அனிருத், பிரகாஷ்ராஜ், சங்கர் மகாதேவன், டிரம்ஸ் சிவமணி, கணேஷ் வெங்கட்ராமன் என திரை பிரபலங்கள் பலர் கலந்து கொண்டுள்ளார்கள்.
விழா அரங்கினுள் விஜய் நுழைந்தபோது ரசிகர்கள் அரங்கமே அதிரும்படி ஆரவாரம் செய்தும் செல்போன்களில் டார்ச் அடித்தும் அவரை வரவேற்றார்கள். இது தொடர்பான வீடியோக்கள் சோசியல் மீடியாவில் வைரலாகி வருகின்ற நிலையில் நேற்று விஜய் மேடையில் நின்று எடுத்த வீடியோ ஒன்றை தனது ட்விட்டர் பக்கத்தில் தற்போது பகிர்ந்துள்ளார். மேலும் அதற்கு “#என்நெஞ்சில் குடியிருக்கும்” என்ற ஹேஷ்டேக் கொடுத்துள்ளார். இந்த ட்விட்டர் பதிவானது தற்போது வைரலாகி வருகின்றது.
#EnNenjilKudiyirukkum pic.twitter.com/4rbooR4XLa
— Vijay (@actorvijay) December 24, 2022