துணிவு திரைப்படத்தின் ப்ரோமோஷன் குறித்த அப்டேட் வெளியாகி உள்ளது.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
ஏற்கனவே இத்திரைப்படத்திலிருந்து வெளியான சில்லா சில்லா பாடல் ரசிகர்களிடையே நல்ல வரவேற்பு பெற்றது. இதன்பின் இரண்டாவதாக வெளியான காசேதான் கடவுளடா பாடலுக்கு சுமாரான வரவேற்பே கிடைத்தது. இதைத்தொடர்ந்து நேற்று முன்தினம் மூன்றாவது பாடலான கேங்ஸ்டா பாடல் வெளியாகியுள்ளது. இந்த நிலையில் படத்திற்கான பிரமோஷன் பணி தற்போது நடைபெற்று வருகின்றது. மேலும் வருகின்ற ஜனவரி 1-ஆம் தேதி சென்னையில் படத்தின் ப்ரோமோஷன் நிகழ்ச்சியை நடத்த படக்குழு திட்டமிட்டு இருக்கின்றது. இந்த விழாவில் வினோத், மஞ்சுவாரியார்,ஜிப்ரான் என படக்குழு கலந்து கொள்ள உள்ளதாக செய்தி வெளியாகியிருக்கின்றது. ஆனால் அஜித் எந்த பட நிகழ்ச்சிகளிலும் பங்கேற்க மாட்டார் குறிப்பிடத்தக்கது.
.