துணிவு திரைப்படத்தில் ரசிகர்களுக்கு சர்ப்ரைஸ் ஒன்று காத்திருக்கின்றது.
வினோத்-அஜித் கூட்டணியில் நேர்கொண்ட பார்வை, வலிமை உள்ளிட்ட திரைப்படங்களைத் தொடர்ந்து தற்போது துணிவு திரைப்படம் உருவாகி வருகின்றது. இத்திரைப்படத்தை போனி கபூர் தயாரிக்கின்றார். மேலும் மஞ்சு வாரியார், சமுத்திரக்கனி உள்ளிட்டோர் நடிக்க ஜிப்ரான் இசையமைத்துள்ளார். இத்திரைப்படம் 2023 பொங்கலுக்கு ரிலீஸ் ஆகின்றது. இத்திரைப்படத்தை ரெட் ஜெயண்ட் சார்பாக தமிழகத்தில் உதயநிதி வெளியிட உள்ளார். தமிழக வெளியீடு உரிமையை உதயநிதி பெற்றுள்ள நிலையில் வெளிநாடுகளில் வெளியிடும் உரிமையை லைக்கா நிறுவனம் பெற்று இருக்கின்றது.
ஏற்கனவே இத்திரைப்படத்திலிருந்து வெளியான சில்லா சில்லா பாடல் ரசிகர்களிடையே நல்ல வரவேற்பு பெற்றது. இதன்பின் இரண்டாவதாக வெளியான காசேதான் கடவுளடா பாடலுக்கு சுமாரான வரவேற்பே கிடைத்தது. இதைத்தொடர்ந்து நேற்று முன்தினம் மூன்றாவது பாடலான கேங்ஸ்டா பாடல் வெளியாகியுள்ளது. இந்த நிலையில் படத்திற்கான பிரமோஷன் பணி தற்போது நடைபெற்று வருகின்றது.
இந்த நிலையில் இந்த திரைப்படத்தில் மேலும் ஒரு பாடல் இருப்பதாகவும் அது படத்தில் சர்ப்ரைஸாக வரும் எனவும் செய்தி வெளியாகியிருக்கின்றது. வங்கிக் கொள்ளையை மையமாக வைத்து உருவாகும் இத்திரைபடத்தில் அந்த பாடல் ரசிகர்களுக்கு நிச்சயம் சர்ப்ரைஸாக இருக்கும் என கூறப்படுகின்றது. இந்த தகவல் காரணமாக ரசிகர்களின் எதிர்பார்ப்பு அதிகரித்துள்ளது.