சூர்யா நடிக்கும் 42வது திரைப்படத்தின் அப்டேட் வெளியாகியுள்ளது.
தமிழ் சினிமாவில் உச்ச நட்சத்திரமாக ஜொலிக்கும் நடிகர் சூர்யா நடிப்பில் சமீபத்தில் எதற்கும் துணிந்தவன் திரைப்படம் ரிலீஸ் ஆகி கலவையான விமர்சனங்களை பெற்றது. இந்நிலையில் நடிகர் சூர்யா தற்போது வாடிவாசல், சிவா உடன் இணைந்து சூர்யா 42 உள்ளிட்ட திரைப்படங்களில் நடித்து வருகிறார். இதில் சூர்யா 42 படத்தின் ஷூட்டிங் விறுவிறுப்பாக நடைபெற்று வருகிறது. இப்படத்தில் பாலிவுட் நடிகை திஷா பதானி ஹீரோயின் ஆக நடிக்க, தேவி ஸ்ரீ பிரசாத் இசையமைக்கிறார்.
இந்த நிலையில் திரைப்படம் குறித்த புதிய அப்டேட் வெளியாகியுள்ளது. இத்திரைப்படத்தில் சூர்யா 13 வேடங்களில் நடிக்க இருப்பதாக தகவல் வெளியாகி உள்ளது. மேலும் 3d தொழில்நுட்பத்தில் தயாராக இருக்கும் இத்திரைப்படத்தில் திஷா பதானி ஹீரோயினாக நடிக்க இருக்கின்றார். மேலும் படம் தமிழ், தெலுங்கு, ஹிந்தி உள்ளிட்ட மொழிகளில் சரித்திர கால கதையை மையப்படுத்தி தயாராக இருப்பதாகவும் செய்தி வெளியாகி இருக்கின்றது.