இறுக்கமாக உடை அணியச் சொல்லி தனது கணவர் அறைந்ததாக பிரபல நடிகை தெரிவித்துள்ளார்.
ஹிந்தி சினிமா உலகில் முன்னணி நடிகையாக வலம் வருகின்றார் கரீனா கபூர். இவரின் சகோதரி கரிஷ்மா கபூர். இவரும் பிரபல நடிகையாக இருக்கும் நிலையில் தொழிலதிபரை திருமணம் செய்து சில வருடங்களுக்கு முன்பாக விவாகரத்தும் செய்தார். இவர்களுக்கு இரண்டு குழந்தைகள் இருக்கின்ற நிலையில் கணவர், மாமியார் மீது வரதட்சனை வழக்கும் தொடுத்தார். இந்த நிலையில் பேட்டி ஒன்றில் தனக்கு நடந்த துயர சம்பவங்கள் குறித்து பேசி உள்ளார்.
அவர் பேசியதாவது, திருமணத்திற்கு முன்பாக எனது மாமியார் பரிசாக ஒரு உடையை வாங்கித் தந்தார். எனக்கு ஒரு மகன் பிறந்த பிறகு கொஞ்சம் குண்டாகி விட்டேன். அப்போது என் மாமியார் பரிசாக அளித்த உடையை என் கணவர் அணிய சொன்னார். அந்த உடை எனக்கு மிகவும் இறுக்கமாக இருந்தது. இதனால் முடியாது என தெரிவித்தேன். இதற்கு உடனடியாக எனது கணவர் என்னை ஓங்கி அறைந்தார். மேலும் என் மாமியாரையும் அழைத்து என்னை அறைய வைத்தார். இப்படி நடந்த பல பிரச்சனைகள் காரணமாகத்தான் விவாகரத்து நடைபெற்றது என தெரிவித்துள்ளார்.