வாரிசு திரைப்படத்தை பார்த்த விஜய் மகிழ்ச்சியில் இருக்கின்றாராம்.
வம்சி இயக்கத்தில் விஜய் நடித்துள்ள வாரிசு திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இத்திரைப்படத்தில் விஜய்க்கு ஜோடியாக ராஷ்மிகா மந்தனா நடித்திருக்கின்றார். பிரகாஷ்ராஜ், சரத்குமார், குஷ்பூ, ஷாம், யோகி பாபு, கணேஷ் வெங்கட்ராம் உள்ளிட்ட பலர் முதன்மை கதாபாத்திரத்தில் நடித்திருக்கின்றனர். இத்திரைப்படம் வருகின்ற பொங்கலுக்கு வெளியாக உள்ளது. இந்த நிலையில் இத்திரைப்படம் வழக்கமான விஜய் திரைப்படமாக இருக்காது எனவும் ரசிகர்களுக்கு புதுவிதமான அனுபவத்தை தரும் என்ற தகவல் வெளியானதால் ரசிகர்களின் எதிர்பார்ப்பு மேலும் அதிகரித்து இருக்கின்றது.
மேலும் படத்தின் டிரைலர் புத்தாண்டை முன்னிட்டு வெளியாகும் என ரசிகர்கள் மத்தியில் எதிர்பார்க்கப்படுகின்றது. இந்த நிலையில் விஜய் வாரிசு திரைப்படத்தை பார்த்து மிகவும் திருப்தி அடைந்ததாக சொல்லப்படுகிறது. இவர் ஏற்கனவே நடித்த திரைப்படங்களிலேயே வாரிசு படம் மிகவும் பிரம்மாண்டமாக உருவாகியிருப்பதாக செய்தி வெளியானது. இந்த நிலையில் அதற்கு ஏற்றார் போல் படமும் நன்றாக இருப்பதாகவும் இதனால் விஜய் மகிழ்ச்சியில் இருப்பதாகவும் செய்தி வெளியாகி இருக்கின்றது. இதன் விளைவாக விஜய் மீண்டும் வம்சி இயக்கத்தில் ஒரு படத்தில் நடிக்க இருக்கின்றாராம். அதுவும் பான் இந்தியா திரைப்படமாக உருவாக உள்ளதாக செய்தி வெளியாகி இருக்கின்றது. ஆனால் எந்த அளவிற்கு உண்மை என தெரியவில்லை.