இந்தியாவிலேயே திருச்சி மாவட்டத்தில் தான் எய்ட்ஸ் சோதனை அதிகபடியாக நடைபெற்றுள்ளது என்று மாவட்ட ஆட்சியர் சிவராசு தெரிவித்துள்ளார்.
திருச்சி கலெக்டர் அலுவலகத்தில் நேற்று நடைபெற்ற நலத்திட்ட உதவிகள் மற்றும் சமபந்தி விருந்து நிகழ்ச்சியில் மாவட்ட ஆட்சியர் சிவராசன் பங்கேற்றார்.
அந்த நிகழ்ச்சியில் அவர் பேசியதாவது:
“சுகாதாரத்துறையினர் சிறப்பாக பணியாற்றியதால் கொரோனா தொற்று குறைந்துள்ளது. விரைவில் தடுப்பூசி வர உள்ளதால் அடுத்த கட்ட நடவடிக்கையாக மக்களுக்கு தடுப்பூசி போடும் பணியை சிறப்பாக செய்து முடிக்க வேண்டும். திருச்சி மாவட்டத்தில் எய்ட்ஸ்காக 35 ஒருங்கிணைந்த ஆற்றுப்படுத்துதல் மற்றும் பரிசோதனை மையங்கள் செயல்பட்டு வருகிறது.
இதுவரை இந்த மையத்தின் மூலமாக 9 ஆயிரத்து 511 சோதனைகள் மேற்கொள்ளப்பட்டு உள்ளன. இந்தியாவிலேயே திருச்சி மாவட்டத்தில் தான் எய்ட்ஸ் சோதனை அதிகபட்சமாக நடைபெற்றுள்ளது. இதன் காரணமாக 2010 ல் 1.8 சதவீதமாக இருந்த எய்ட்ஸ் பாதிப்பு தற்போது 0.03 சதவீதமாக குறைந்துள்ளது” என்று அவர் கூறினார்.