சென்னை மணலியில் உள்ள மத்திய அரசு சி.பி.சி.எல். பாலிடெக்னிக் கல்லூரி இயங்கி வருகிறது. இந்த கல்லுரியில் முதலாவதாக கல்லூரி படிப்பை முடித்த அதாவது 1994 ஆம் ஆண்டு முதல் 1997 ஆம் ஆண்டு வரை படித்த முன்னாள் மாணவர்கள் தற்போது சென்னை மற்றும் வெளிநாடுகள் என பல இடங்களில் பணிபுரிந்து வருகிறார்கள். இவர்கள் அனைவரும் வலைதளங்கள் மூலம் ஒவ்வொருவராக மீண்டும் தங்கள் நட்பு வட்டாரத்தை வளர்த்து வருகின்றனர். இந்நிலையில் 25 ஆண்டுகள் கழித்து முன்னாள் மாணவர்கள் அனைவரும் அதே பாலிடெக்னிக் கல்லூரியில் ஒன்றாக சந்திக்கும் நிகழ்ச்சி நடைபெற்றது. இந்நிகழ்ச்சிகாக மலேசியா மற்றும் ஓமன் உள்ளிட்ட நாடுகளில் உள்ள முன்னாள் மாணவர்கள் கலந்து கொண்டனர்.
ஆனால் வெளிநாடுகளில் இருந்து வர முடியாத பலர் வலைதளங்கள் மூலம் நிகழ்ச்சியில் கலந்து கொண்டனர். அதனை தொடர்ந்து நிகழ்ச்சியில் தங்களது குடும்பம் மற்றும் பாலிடெக்னிக் படிக்கும் போது நிகழ்ந்த பழைய சம்பவங்களை அனைவரும் நினைவு கூர்ந்தனர். அதன் பிறகு முன்னாள் மாணவர்களின் நினைவாக கல்லூரி வளாகத்தில் மரக்கன்றுகள் நட்டப்பட்டது. இந்நிகழ்ச்சியில் பெட்ரோலியம் கார்ப்ரேஷன் லிமிடெட் அதிகாரிகள் பலர் இதில் கலந்து கொண்டனர். மேலும் தங்களுக்கு கல்வி கற்பித்த கல்வி பேராசிரியர்களுக்கு நினைவு பரிசுகளையும் வழங்கினார்.