வருகிற டிசம்பர் 23-ஆம் தேதி ஐ.பி.எல் 2023 -ஆம் ஆண்டிற்கான மினி ஏலம் கொச்சியில் நடைபெறுகிறது. இந்த ஏலத்தில் பங்கு பெற வீரர்கள் தங்களது பெயரை பதிவு செய்யும் நாள் நவம்பர் 30-ஆம் தேதியுடன் முடிவடைந்தது. இந்நிலையில் ஐ.பி.எல் மினி ஏலத்தில் பங்கேற்க மொத்தமாக 991 பேர் தங்களது பெயரை பதிவு செய்துள்ளனர். இதில் 185 பேர் சர்வதேச போட்டிகளில் விளையாடிய வீரர்கள். மேலும் 786 பேர் சர்வதேச போட்டிகளில் பங்கு பெறாத வீரர்கள்.
இந்த ஏலத்தில் பங்கேற்க கத்துக்குட்டி நாடுகளை சேர்ந்த 20 பேர் தங்களது பெயரை பதிவு செய்துள்ளனர். இந்த ஐ.பி.எல் மினி ஏலத்தில் இந்தியாவைச் சேர்ந்த 19 சர்வதேச வீரர்கள் தங்களது பெயரை கொடுத்துள்ளனர். மேலும் சர்வதேச கிரிக்கெட்டில் விளையாடிய 166 வெளிநாட்டு வீரர்கள் இந்த ஏலத்தில் பங்கு பெற உள்ளனர். அதேபோல் சர்வதேச அனுபவம் இல்லாத ஏற்கனவே ஐ.பி.எல் போட்டியில் விளையாடிய இந்திய வீரர்கள் 91 பேர் இந்த இடத்தில் பங்கு பெற தங்களது பெயரை பதிவு செய்துள்ளனர்.
அதேபோல் இந்த மினி ஏலத்தில் சர்வதேச கிரிக்கெட் அனுபவம் இல்லாமல் ஏற்கனவே ஐ.பி.எல் சீசன்ங்களில் பங்கு பெற்ற 3 வெளிநாட்டு வீரர்களும் பங்கு பெற விருப்பம் தெரிவித்துள்ளனர். அதிகபட்சமாக சர்வதேச கிரிக்கெட் அனுபவம் இல்லாத 604 இந்திய வீரர்கள் ஐ.பி.எல் மினி ஏலத்தில் பங்கு பெற தங்களது பெயரை பதிவு செய்துள்ளனர். அதேபோல் சர்வதேச கிரிக்கெட்டில் அறிமுகமாகாத 88 வெளிநாட்டு வீரர்கள் ஐ.பி.எல் மினி ஏலத்தில் பங்கு பெறுகிறார்கள். மேலும் ஒட்டுமொத்தமாக 277 வெளிநாட்டு வீரர்கள் ஐ.பி.எல் மினி ஏலத்திற்கு பங்கு பெறுகின்றனர்.
அந்த வகையில் இந்த ஐ.பி.எல் மினி ஏலத்திற்காக ஆஸ்திரேலியாவிலிருந்து 57 வீரர்களும், இங்கிலாந்தில் இருந்து 31 வீரர்களும், வங்கதேசத்தில் இருந்து 6 வீரர்களும், நமிபியாவில் இருந்து 5 வீரர்களும், அயர்லாந்தில் இருந்து 8 வீரர்களும், நெதர்லாந்தில் இருந்து 7 வீரர்களும், ஸ்காட்லாந்தில் இருந்து 2 வீரர்களும், நியூசிலாந்தில் இருந்து 27 வீரர்களும், தென்னாபிரிக்காவில் இருந்து 52 வீரர்களும், யு.ஏ யில் இருந்து 6 வீரர்களும், இலங்கையிலிருந்து 23 வீரர்களும், மேற்கிந்திய தீவுகளில் இருந்து 33 வீரர்களும், ஜிம்பாப்வேவில் இருந்து 6 வீரர்களும் பதிவு செய்துள்ளனர்.
ஐ.பி.எல் அணிகள் அதிகபட்சமாக ஒரு அணியில் 25 வீரர்களை தேர்வு செய்ய வேண்டும். ஏனென்றால் ஏற்கனவே சில வீரர்கள் தக்க வைக்கப்பட்டிருக்கின்றனர். இதனால் மொத்தமே அதிகபட்சமாக 87 வீரர்கள் தான் ஐ.பி.எல் மினி ஏலத்தில் தேர்வு செய்யப்படுவார்கள். இதில் வெளிநாட்டு வீரர்கள் 30 பேர். ஆனால் ஒட்டு மொத்தமாக 991 வீரர்கள் இதில் பங்கு பெற விருப்பம் தெரிவித்துள்ளனர்.