கொரோனா வைரஸ் காரணமாக பாதிக்கப்பட்டுள்ள ஃபெப்சி தொழிலாளர்களுக்கு, லேடி சூப்பர் ஸ்டார் நயன்தாரா ரூ 20 லட்சம் நிதியுதவி வழங்கியுள்ளார்.
அதிலும் குறிப்பாக திரைத்துறையைச் சேர்ந்த தொழிலாளர்கள் படப்பிடிப்பு அனைத்தும் நிறுத்தப்பட்டுள்ள காரணத்தினால், வறுமையில் சிக்கித் தவித்துவருகின்றனர். ஆகவே அவர்களுக்கும், அவர்களது குடும்பதினருக்கும் நடிகர்கள், நடிகைகள் மற்றும் திரைத்துறையினர் உதவ முன்வர வேண்டும் என்று ஃபெப்சி சம்மேளனத்தின் தலைவர் ஆர்.கே. செல்வமணி வேண்டுகோள் விடுத்திருந்தார் .
அந்த வேண்டுகோளை ஏற்று, தமிழ் சினிமாவின் லேடி சூப்பர் ஸ்டார் என்று அழைக்கப்படும் நயன்தாரா ஃபெப்சி தொழிலாளர்களுக்கு 20 லட்சம் ரூபாய் நிதியுதவியாக வழங்கியுள்ளார்.
இதேபோல் முன்னதாக தமிழ் சினிமாவின் முன்னணி நட்சத்திரங்களான ரஜினிகாந்த், சிவகார்த்திகேயன், விஜய் சேதுபதி, சூர்யா- கார்த்தி, வெற்றிமாறன், பார்த்திபன் உள்ளிட்ட பல நடிகர்களும் நிதியுதவி செய்துள்ளனர் என்பது குறிப்பிடத்தக்கது.