ஜூன் மாதம் தான் கல்லூரி திறக்கும் – உயர்கல்வித்துறை அமைச்சர் தகவல் …!!

தமிழகத்தில் உள்ள கல்லுரிகளுக்கான தேர்வு குறித்த அறிவிப்பை தமிழக உயர்கல்வித்துறை அறிவித்துள்ளது.

கொரோனா வைரஸ் தாக்கம், அச்சுறுத்தல் காரணமாக தற்போது  கல்லூரிகள் விடுமுறையில் இருக்கின்றன. இந்த காலம் கலை, அறிவியல் கல்லூரிகளில் தேர்வுகள் நடைபெறக்கூடிய ஒரு காலகட்டம். ஆனால் தற்போது கல்லூரிகள் மூடப்பட்டு இருப்பதாலும், தற்போதைய சூழலில் மே 3ஆம் தேதி வரைக்கும் கல்வி நிறுவனங்களில் இயங்காது என்ற நிலை இருக்குகின்றது.இத்தகைய சூழ்நிலையில் பல்கலைக்கழக தேர்வுகளை ஒத்திவைப்பதாக அறிவிப்புகளை பல்கலைக்கழகங்கள் வெளியிட்டு வந்தன.

இதனால் மாணவர்களுக்கு எப்போது தேர்வுகள் நடைபெறும் என்று தொடர்ந்து குழப்பங்கள் நீடித்து வந்தது. தற்போது உயர்கல்வித்துறை அதற்கான ஒரு முடிவை எடுத்திருக்கிறது. அதாவது கலை, அறிவியல் கல்லுரி, பொறியியல் கல்லூரிகளுக்கு அடுத்த கல்வியாண்டில் தொடக்கத்தில் செமஸ்டர் தேர்வு நடைபெறும் என்று அறிவிக்கப்பட்டுள்ளது.

இது குறித்து உயர்கல்வித்துறை அமைச்சர் கே.அன்பழகன் கூறும் போது, அடுத்த கல்வியாண்டில் தொடக்கத்தில் தான் மாணவர்களுக்கு இனி கல்லூரி ஜூன் மாதம் தான் திறக்கும், அவர்களுக்கு கல்லூரி தொடங்கியது இந்த பருவத்தேர்வுகள் நடைபெறும், தேர்வுகள் நடைபெற்ற பின்னர் தான் அடுத்த கல்வியாண்டுக்கான பாடவகுப்புகள் நடைபெற வழிவகை செய்யப்படும் என்று அமைச்ர தெரிவித்தார்.