அதிமுக_வின் முன்னாள் அமைச்சர் ராஜகண்ணப்பன் திமுக தலைவர் முக.ஸ்டாலினை சந்தித்து ஆதரவு தெரிவித்துள்ளார்
தமிழகத்தில் ஏப்ரல் 18-ஆம் தேதி சட்டமன்ற இடைத்தேர்தல் மற்றும் நாடாளுமன்ற தேர்தலுக்கான வாக்குப்பதிவு நடைபெறுகின்றது . அதிமுக கூட்டணியில் பாஜக , தேமுதிக , பாமக , புதிய நீதி கட்சி , புதிய தமிழகம் கட்சி மற்றும் தமாகா இடைப்பெற்றுள்ளது. அதே போல திமுக தலைமையிலான மதசார்பற்ற முற்போக்கு கூட்டணியில் காங்கிரஸ் , இடதுசாரிகள் , மதிமுக , விசிக , கொங்குநாடு மக்கள் தேசிய கட்சி , இந்திய யூனியன் முஸ்லீம் லீக் மற்றும் இந்திய ஜனநாயக கட்சி இடம்பெற்றுள்ளது.
ஏறக்குறைய அதிமுக மற்றும் திமுக கூட்டணி கட்சிகள் தங்களின் வேட்பாளரை அறிவித்தனர். நேற்று திமுக மற்றும் அதிமுக தங்கள் கட்சி சார்பில் போட்டியிடும் தொகுதிகளின் வேட்பாளர் பட்டியலை அறிவித்தனர். இதில் அதிமுக சார்பில் ராமநாதபுரம் தொகுதிக்கு வேட்பாளராக அறிவிக்காததால் அதிருப்தியடைந்த அதிமுக_வின் முன்னாள் அமைச்சர் ராஜகண்ணப்பன் திமுக_விற்கு ஆதரவு தெரிவிக்க போவதாக தெரிவித்திருந்தார். இதையடுத்து அண்ணா அறிவாலயாத்தில் திமுக தலைவர் நேரில் முக.ஸ்டாலினை சந்தித்து ஆதரவை தெரிவித்தார்.