தெலுங்கு சூப்பர் ஸ்டார் சிரஞ்சீவியுடன் நடிப்பதற்காக, நடிகர் உதயநிதியின் படத்தில் இருந்து காஜல் அகர்வால் விலகியதாக தகவல் பரவியுள்ளது.
தமிழ் மற்றும் தெலுங்கு மொழி படங்களில் முன்னணி ஹீரோயினாக அனைவரையும் கவரும் நடிகை காஜல் அகர்வால், கடைசியாக கோமாளி படத்தில் நடித்துள்ளார். அப்படம் ரசிகர்களுக்கிடையே மிக பெரிய வரவேற்பை பெற்று செம ஹிட் ஆனது. இப்படத்தை தொடர்ந்து இவர் நடிகர் கமல்ஹாசனுடன் இணைந்து இந்தியன் 2 படத்தில் நடித்து கொண்டிருக்கிறார்.
இதேபோன்று இவரது நடிப்பில் பாரிஸ் பாரிஸ் என்னும் திரைப்படத்தின் போஸ்ட் புரொடக்ஷன் பணிகளும் நடைபெற்று கொண்டிருக்கிறது. இந்த நிலையில் நடிகர் உதயநிதி ஸ்டாலினுடன் நடிப்பதற்கு காஜல் அகர்வால் ஒப்பந்தம் செய்யப்பட்டார். அதற்காக அவருக்கு முன்பணமும் வழங்கப்பட்டிருப்பதாக கூறப்படுகிறது. ஆனால் காஜல் அப்படத்திலிருந்து விலகிவிட்டார். வாங்கிய முன்பணத்தையும் திருப்பி கொடுத்து விட்டார் என கூறப்படுகிறது.
காஜல் உதயநிதி படத்திலிருந்து விலக காரணம் என்ன.?
இதற்க்கு காரணம் என்னவென்றால் இயக்குனர் கொரட்டல சிவா இயக்கத்தில் தெலுங்கு சூப்பர் ஸ்டார் சீரஞ்சீவி நாயகனாக நடித்து கொண்டிருக்கும் படத்தில், நடிகை காஜலுக்கு வாய்ப்பு கிடைத்துள்ளதாகவும், அதனால் அவர் உதயநிதி படத்திலிருந்து விலகியதாகவும் கூறப்படுகிறது. ஆனாலும் இதுபற்றிய அதிகார பூர்வமான தகவல்கள் எதுவும் இதுவரைக்கும் வெளியாகவில்லை.