உலக சுகாதார நிறுவனம் சீனாவின் ஊதுகுழலாக மாறியுள்ளது என அமெரிக்கா அதிபர் டிரம்ப் குற்றம் சுமத்தியுள்ளார்
உலகம் முழுவதும் கொரோனா தொற்று பரவி லட்சக்கணக்கான உயிர்களை எடுத்துள்ள நிலையில் அமெரிக்காவில் கொரோனா தொற்றின் தாக்கம் நாளுக்கு நாள் அதிகரித்துக்கொண்டே செல்கின்றது. இந்நிலையில் அமெரிக்கா உலக சுகாதார நிறுவனம் கொரோனா விவகாரத்தில் தங்களை தவறாக வழிநடத்தி விட்டதாக குற்றம் சுமத்தியுள்ளார் அதிபர் டிரம்ப்.
கொரோனா தொற்று குறித்த தகவல்கள் சம்பந்தம் இல்லாதவர்களுக்கு தெரிந்த பின்னர்தான் உலக சுகாதார நிறுவனத்திற்கு தெரியவந்துள்ளது. அந்நிறுவனத்திற்கு தெரியாத பல விஷயங்கள் தங்களுக்கு தெரியவந்ததாகவும், ஒன்று நிறுவனத்திற்கு இந்த விஷயங்கள் தெரியாமல் இருந்திருக்கலாம் அல்லது தெரிந்தும் மறைத்து இருக்கலாம் என அதிபர் டிரம்ப் குற்றம்சாட்டியுள்ளார்.
அதோடு சீனாவின் ஊதுகுழலாக உலக சுகாதார நிறுவனம் மாறி இருப்பதாக கூறியதோடு உலக சுகாதார நிறுவனத்திற்கு 400 மில்லியன் முதல் 500 மில்லியன் டாலர் வரை அமெரிக்கா நிதி உதவி வழங்கி வந்தது. ஆனால் சீனாவோ 38 மில்லியன் டாலர்கள் மட்டுமே நிதியுதவி கொடுத்து வருவதாக தெரிவித்திருக்கிறார்.
